Architeture a Glemone: cunvigne e mostre

“Architeture dal Nûfcent a Glemone e tal Friûl jenfri culinis e monts” al è il titul de mostre e de cunvigne in forme di taule taronde che si davuelzarà te Universitât dal Friûl, joibe al Prin di Otubar, tacant aes trê di dopomisdì tal centri sientific dal ateneu a Udin. L’event al è dedicât ae cognossince e ae promozion dal patrimoni architetonic moderni dal teritori e al previôt i intervents di Alberto Sdegno, Diana Barillari, Pietro Valle, Giovanni Marras e Pierluigi Grandinetti. La mostre cul stes titul, curade di Diana Barillari e Pietro Valle, si vierzarà aes 5 e 45 di dopomisdì. La mostre, ospitade tai mês passâts tal palaç Fantoni a Glemone, e ufrîs un percors di cognossince traviers des architeturis che e àn dât forme al teritori vie pal vincjesim secul, contribuint ae costruzion de sô identitât culturâl e dal so paisaç. L’event al vûl ancje clamâ la atenzion su la impuartance di studiâ e promovi la architeture dal vincjesim secul par capî lis trasformazions urbanis e teritoriâls de regjon. (A.I.) – 30.09.2026