Udin, ancjemò une volte un ritîr curt

Intal moment plui dificil di un campionât partît benon, l’Udin al torne in ritîr par doi-trê dîs: daspò une vitorie, siet patis e cinc disfatis intes ultimis 13 garis, la scuadre blancje e nere e je sbrissade a ben planc de tierce ae novesime posizion. La proprietât duncje e à ordenât il ritîr, di joibe, in viste de gare cul Sassuolo, domenie a ore di gustâ. E jere sucedude la stesse robe cualchi setemane indaûr, dopo vê pierdût in cjase cul Bologne: il risultât, simpri aes 12.30, al fo la vitorie (faturose) cu la Samp. Dome scaramanzia o la scuadre di Sottil e à dibisugne di alc di plui? (A.I.) – 08.02.2023