Dîs oris di musiche par ducj al “Tomadini” di Udin

Si vierzarà sui ritmis des percussions e si sierarà intal segn dal jazz la zornade vierte (“Open Day 2024”) dal Conservatori Tomadini di Udin, in Zardin Grant, intal cûr de citât. Lis puartis de prestigjose istituzion musicâl furlane si vierzaran domenie ai 5, aes 10 di matine, cul conciert dal Sax Quartet impegnât inte esecuzion de “Rapsodie”. Aes 5 dopomisdì, un conciert di no podê pierdi de Orchestre Sinfoniche dal Tomadini, e par dute la zornade i piçui concierts di soliscj, i grups di musiche di cjamare, lis cjantadis, lis formazions speciâls. In dut, dîs oris di file di lezions viertis, incuintris cui struments e soredut tante musiche par ducj. (A.I.) – 03.05.2024