Lara Della Mea pronte pai Campionâts Mondiâi di schi

La stagjon competitive de schiadore furlane Lara Della Mea, rivade cuarte ai ultins Zûcs Olimpics di Invier di Milan e Cortine, e scomençarà ai 24 di Otubar. Il prin event al sarà su la nêf austriache, a Sölden, pe gare di slalom zigant di Cope dal mont. Passe vincj garis si davuelzaran in vot paîs e doi continents diferents, e a finiran dai 18 ai 25 di Març dal 2027, cul slalom zigant e lis finâls di slalom tai Stâts Unîts. Il program complet dai apontaments de scuadre nazionâl taliane e di Lara Della Mea al è stât presentât de campionesse intun incuintri a Udin te sede di CrediFriuli. “O soi simpri une vore leade ae mê regjon – e à dit la atlete – O soi a pene tornade de trasfierte in Argjentine, dulà la mê preparazion e je rivade un bon nivel. Intai dîs che a vegnin o larai indevant cui alenaments in Italie parcè che o vuei rivâ inte miôr forme pussibil pai Campionâts dal mont.” (A.I.) – 28.09.2026