Lis pôris dai nestris timps a teatri

Fondade e vuidade di Tim Etchells, la compagnie storiche Forced Entertainment si è imponude pal so lavôr straordenari su la dramaturgjie britaniche contemporanie. “Tomorrow’s Parties”, un dai lôr lavôrs di plui grant sucès, al rive pe prime volte intune version in lenghe taliane, a Udin pe stagjon di Teatro Contatto inmaneade dal Css, cun dople repliche sabide ai 13 e domenie ai 14 tal Palamostre. Il spetacul al è un voli brilant, visionari e comovent sul avignî, cuntune femine e un om sul palc, interpretâts, a Udin, di Marco Cavalcoli, vincidôr dal premi Ubu 2022, e de atore Caterina Simonelli, un afresc sclet des sperancis e des pôris de nestre epoche. (A.I.) – 12.04.2024