La Corâl polifoniche di Rude direte di Fabiana Noro e sarà la grande protagoniste dal festival “Verona_Garda_Estate”, in program in diviersis localitâts des provinciis di Brescia e Verone dai 6 ai 9 di Lui, cun diviersis corâls e grups strumentâi di dut il mont. Il Polifonico, che al sarà acompagnât al piano di Matteo Andri, aes percussions di Gabriele Rampogna e al orghin di Manuel Tomadin, al cjantarà a Montichiari joibe ai 6, a Bedizzole il dì dopo, a San Pietro in Cariano sabide ai 8 e a Verone, inte basiliche di Santa Anastasia, domenie ai 9. Intai prins doi concierts la corâl e proponarà il program “Contrascj sonôrs” cun musichis sacris dal Votcent e dal Nûfcent. Sabide e domenie, invezit, e presentarà la Messe op. 190 di Josef Rheinberger, regjistrade pe etichete Brilliant Classic di Amsterdam. (A.I.) – 05.07.2023
La Corâl di Rude al festival di Verone
70
