Il Teatro Incerto a Çarvignan cuntune storie di afârs loscs

da Andrea Ioime

“Cumbinìn – Intrics e Poesie”, l’ultin spetacul dal Teatro Incerto, al rive sabide ai 18 li dal Teatri Pasolini di Çarvignan, inte suaze de stagjon organizade dal CSS. Sul palc Fabiano Fantini, Claudio Moretti e Elvio Scruzzi intune cun Martina Delpiccolo, critiche leterarie, autore e diretore artistiche de Gnot dai Letôrs di Udin, al so debut in teatri. E je la storie di doi oms inte sale pe polse di une “beauty farm”, che a spietin un tierç par discuti e puartâ a tiermin un afâr losc. Il dialic al met in lûs la lôr personalitât: a son oms ambiguis, di dubie moralitât, che si mostrin inte lôr bassece e meschinitât. Intant, il tierç al telefone e al invie messaçs, ma cence di lui l’afâr no si pues sierâ, fin che e rive la responsabile dal lûc e dut al cambie in maniere inspietade… (A.I.) – 17.11.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui