Il festival dai ‘curts’ al nete Pordenon

Dai 26 ai 28 di Lui a Pordenon al torne FMK, il festival internazionâl dal curtmetraç, par cure dai “under 33” di Cinemazero. Pe decime novesime edizion, trê dîs di proiezions, laboratoris, masterclass, incuintris, concierts e desenis di ospits de Italie e dal forest. Lis proiezions, a jentrade libare, a scomencin ogni sere aes 9 ai Zardins “Francesca Trombi” di vie Brusafiera (in câs di ploie, a Cinemazero). Miercus ai 26 la viertidure cul curt di Laura Samani “L’estate è finita – Appunti su Furio”, cun intervent di Sergio Bachelet, autôr des musichis. Di là des proiezions serâls, il program di FMK al è plen di ativitât fint de matine e si vierç cuntune azion concrete pal ambient: la pulizie dai lûcs leâts al cine in citât, in colaborazion cun Legambiente e il grup RipuliAMO Pordenone, partint di Cinemazero aes 9.30 di matine. (A.I.) – 25.07.2023