Il documentari su Ulderica Da Pozzo premiât al festival Babel

Dopo la anteprime al Pordenone Docs Fest e il cine Centrale di Udin dut plen, “Ulderica, fruta di mont” al à vinçût il premi “Maestrale” tant che miôr documentari inte otave edizion dal Babel Film Festival 2023, concors cinematografic internazionâl dedicât ae produzion audiovisive in lenghe minoritarie, che si è davuelt a Cagliari. Il documentari in lenghe furlane dedicât ae fotografe cjargnele Ulderica Da Pozzo, diret dal regjist Stefano Giacomuzzi, al è stât prodot di Agherose, cu la poie dal Fondo Regionale dell’Audiovisivo e il patrocini de ARLeF. Il documentari al fâs part dal progjet “Muse a Muse”, un viaç strani cuntun grup di artiscj cun plui di 65 agns – fin cumò a son cinc – che a àn dât vôs ae identitât furlane linguistiche e culturâl. (A.I.) – 11.10.2023