Festival dal cine di Spilimberc: premis e ospits

“Le Giornate della Luce”, Lis zornadis de lûs, il festival dal cine di Spilimberc fondât di Gloria De Antoni e diret di jê adun cun Donato Guerra, al darà il “Quarzo d’Oro alla Carriera”, il Cuarç di aur pe cariere, al grant diretôr de fotografie Giuseppe Lanci, un autôr che al à savût meti adun vie pai agns un stîl elegant e espressîf, lavorant cui cualchidun dai plui impuartants regjiscj dal cine talian e european. Il premi al ven dât ogni an a une figure di impuartance artistiche e professionâl straordenarie. La diesime seconde edizion, programade di sabide ai 6 e fint ai 14 di Jugn, si conferme un event unic inte suaze dal cine talian: la uniche dute dedicade ai lavôrs de fotografie cinematografiche, i protagoniscj de manifestazion. Te citât dai mosaics e rivarà une schirie di ospits innomenâts, di Barbara Bouchet a Lella Costa, di Marco Risi a Andrea Segre e cetancj altris. (A.I.) – 05.06.2026