De television al palc par fevelâ di feminis

Al va indevant joibe ai 16 a Pordenon “La sene des feminis – The Women Theatre Revolution”, inmaneât inte sale Capitol de Compagnia di Arti&Mestieri pe direzion artistiche di Bruna Braidotti. La muse cognossude de Tv Claudia Penoni, viodude a “Zelig” dal 2007 al 2012 e atore cun Checco Zalone e Ezio Greggio, e presente “Donne nella mia vita”, un piçul tratât umoristic di cjamare su la vuere dai ses e la odissee cuotidiane de femine tal vincjesim prin secul. (A.I.) – 15.11.2023