Cristicchi e la Orchestre di Pordenon su lis olmis di Dante

Dopo il zîr cul dut esaurît di “Torneremo ancora”, Simone Cristicchi al è ancjemò une volte protagonist intai teatris dal circuit dal Ert. L’artist roman al sarà martars ai 28 e miercus ai 29 al Teatri comunâl di Monfalcon e joibe ai 30 al Auditorium Aldo Moro di Cordenons cun “Paradiso – Dalle tenebre alla luce”. Intune cu la Orchestre de Academie musicâl Naonis di Pordenon direte di Valter Sivilotti, autôr des musichis dal spetacul, e la Corâl dal Friûl-Vignesie Julie direte di Alberto Busettini, Cristicchi nol fevele dome di Dante e dal so viaç leterari, ma dal concet di “paradîs” par tirâ dentri il “misteri” de vite. (A.I.) – 27.03.2023