66
Il festival “In\Visible Cities” al va indevant vinars ai 8 a Gardiscje cuntune programazion siore di matine a sere. Fra i spetacui in calendari, chel multimediâl itinerant “Gradisca Cold Case”, une produzion firmade di Stefano Beghi, che fin a domenie e presentarà pardabon un câs cence soluzion dal passât, une sorte di ‘zâl’. Cui che al parteciparà, al podarà cirî di risolvilu esplorant la citât in graciis dal propri telefon, deventant viazadôr tal spazi e tal timp. La zornade e sarà vierte dal spetacul in realtât virtuâl “Il Labirinto” dal Teatro dell’Argine: 14 storiis cun protagoniscj i zovins. (A.I.) – 07.09.2023
