Su la fusion dai Confidi Fedriga al dinee ogni coinvolziment

Il president dal F-Vj Massimiliano Fedriga vuê al à rispuindût aes domandis e aes polemichis sul rûl de Regjon su la cuistion dai Confidi e de fusion pussibile tra Venit e Friûl-Vignesie Julie. “La Regjon no jentre in chestis sieltis, jentrâ in chestis cuistions che a rivuardin ents vigjilâts e sarès une robe malvignude e pericolose. Il nestri fin – al va indevant Fedriga – al è tutelâ ducj i invistiments in Friûl-Vignesie Julie e lis sôs aziendis. Intromissions di altri gjenar a son robis declaradis di cui che nol cognòs cemût che a stan lis robis, magari detadis de propagande e no de cognossince reâl dal rûl des istituzions singulis”. (a.d.g.) – 16.11.2023