Scuele, di bande dal Guvier impegn sul vincul pai docents

“Lis posizions sul vincul a son restadis chês di un an indaûr” al recite un sproc dai docents vincolâts. Ma nol è cussì, al conte Mario Pittoni, responsabil dal Dipartiment Istruzion de Leghe. “A front di impegns precîs (leâts ai fonts dal Pnrr) firmâts cu la Europe dal Guvier di prime di trazion M5s-Pd, chest Guvier si è fat cjame di une interlocuzion complesse cu la Ue par sclarî che une serie di sieltis su la scuele, tra chês il vincul di permanence, a presentin criticitâts e a van riviodudis. In graciis di cheste interlocuzion condote dal ministri Valditara, si è otignude intant la pussibilitât di fâ partecipâ ae procedure prossime di mobilitât ancje la categorie di chei cjapâts a vore di pôc, che e jere stade vincolade dal Decret Pnrr dal Guvier Draghi. Par otignî conferme de lôr partecipazion, o scugnarìn cumò spietâ la definitive rispueste di Brussel, dopo che si podaran adotâ i necessaris coretîfs legjislatîfs par consolidâ cheste posizion e riviodi plui in gjenerâl il mecanisim de mobilitât, che e va ripuartade di une impostazion basade sui vincui a une – al conclût Pittoni – plui zovevule basade su incentîfs”. (A.D.G.) – 02.03.2023