Schlein: “La veretât su Regeni sacrificade pal gas”

Secont Elly Schlein, la veretât su Giulio Regeni, il ricercjadôr di Flumisel sassinât intal 2016, “e je stade sacrificade pal gas dal Egjit”. La segretarie nazionâl dal Partito Democratico e à fevelât a Trevîs: “O pensi che la Italie – e à dit in riferiment ae colaborazion tra i doi Paîs pes furniduris dal gas metan – no puedi calcolâ la mancjade colaborazion dal Egjit sul omicidi di Regeni tant che un presit di paiâ sul altâr dai interès economics. O ai sintût dî cualchidun che al à dit: in Egjit, se tu dâs, tu cjapis. O vuei domandâ al Guvier se tra chestis robis e je calcolade ancje la impunitât dai torturadôrs e dai sassins di Giulio Regeni”.  (A.I.) – 08.05.2023