Rosaria Capozzi, conseire regjonâl dal M5Se à spleât in public il contignût de propueste di leç depositade in Consei regjonâl.
“No si trate – e à visât Capozzi – di meti improibizions gjeneralizadis, ma pluitost, di lâ indenant su la fonde di normis claris e di une planificazion serie. E covente daurman une normative che e permeti di rivâ ai obietîfs energjetics tutelant, tal stes timp, il teritori e dant rispuestis tal concret aes preocupazions dai citadins e dai aministradôrs locâi. Al è impuartant che e sedi dade ai sogjets che a son di persone interessâts dai progjets se a àn miôr vê denant di cjase un cjamp o une distese di panei fotovoltaics, cence che nissun altri al puedi lôr imponi une sielte tant delicade e che e à un fuart impat”.
Capozzi e à sotlineât che la propueste e je motivade de necessitât di tutelâ i terens agricui, il paisaç e lis comunitâts locâls, dant cuintri tal stes timp ae proliferazion cence control e masse grande dai implants di energjie in Friûl – Vignesie Julie. “Par chest – e à dit Capozzi – il nestri obietîf al è di meti regulis plui rigorosis pe localizazion dai implants. Il riferiment, in chest câs,al è indreçât soredut ae costruzion di implants fotovoltaics e di batariis, ancje se o vin viodût che ancje i implants a biometan a son pluitost problematics pai Comuns e i citadins”. (a.d.g.) – 26.10.2026
