Fin de setemane movimentât pai carabinîrs che a àn vût a ce fâ cun om che a vevin bevût masse e a àn dât cuintri ai militârs.
Il prin episodi al è sucedût a Manzan sot sere sul tart, indulà che une patulie dal Nucli radiomobile di palme e à fermât un om di 55 agns dal puest. L’om sometût a un alcul test al veve1,07 grams par litri di alcul. Cuant che i carabinîrs lu àn visât che la sô patente e vignive ritirade il vuidadôr che al jere za alterât al à dât cuintri ai carabinîrs che a àn scugnût blocâlu e arestâlu.
Plui o mancul tal stes moment, a Dimpeç, dentri di une pizarie, altris carabinîrs a vevin a ce fâ cuntun om egjizian di 34 agns che al stave dant fastidi ai clients. L’om si viodeve che al jere cjoc in bale e cuant che a son rivâts i militârs ur è lât cuintri tant che par cuietâlu a àn scugnût rivâ i infermîrs che prime lu àn puartât dal ospedâl di Tumieç par fa une valutazion psicologjiche e dopo lu àn consegnât ai carabinîrs par arestâlu. I carabinîrs intervignûts a àn patît contusions.
Ducj e dopi i cjocs di chescj episodis a àn passade la gnot intes cjamaris di sigurece dal Comant di Udin in spiete de udience di convalide dal arest. (a.d.g.) – 26.10.2026
