14
Une auto e je lade vuê di matine tor des vot fûr strade, a S. Pieri dai Sclavons. Dentri un pari cui siei doi fîs, che un di lôr si è fat une vore mâl cuant che il mieç al è lât a sbati cuintri di un arbul intun bosc di Clenie.
Il frut al è restât blocât tai lamarins e par tirâlu fûr a son coventadis dôs scuadris dai Vigjii dal fûc rivâts di Cividât.
Sul puest a son rivâts ancje i sanitaris cuntune ambulance e cul elisocors. Il frut al è in cundizions une vore grivis, intant che il pari e il fradi a si son fats mancul mâl. A son di sclarî lis causis dal fat che la machine e je lade fûr strade di bessole, cence cjapâ altris mieçs. (a.d.g.) – 19.10.2026
