La Cjamare dai deputâts e à aprovât in vie definitive cun 131 vôts a favôr, 95 astensions e nissun cuintri, il dissen di leç su la Protezion civîl. La gnove leç e met a disposizion dai assegnâts une sezion speciâl che e ten cont de peculiaritât dal rôl e des funzions; cun di plui e dissegne il regjim di responsabilitât penâl che e pues jessi aplicade a operadôrs, autoritâts e ai volontaris.
“Une zornade storiche – al à dit Luca Ciriani ministri pai Rapuarts cul Parlament – che o soi une vore braurôs parcè che e je stade metude te leç une norme tant spietade e domandade ancje dai sindics dal Friûl Vignesie Julie”.
Ancje Riccardo Riccardi, assessôr regjonâl ae Protezion civîl al à dit di jessi une vore content par un risultât impuartant. (a.d.g.) – 21.10.2026
