Cun “Oltre il confine” a son stâts trê dîs plens di apontaments cun culture, musiche, sience, spetacui e incuintris par celebrâ i 20 agns di ativitât di Progettoautismo Fvg, dentri dal teatri Paolo Maurensig di Felet a Tavagnà. indulà che si son metudis personis, esperiencis e sensibilitâts diferentis ator di un messaç condividût: la inclusion e rivuarde ducj.
Tra i moments plui laudâts il spetacul di Dario Ballantini che vinars di sere al à concuistât il public, ma une vore preseât al è stât ancje l’intervent dal professôr Roberto keller, psichiatre e neuropsichiatre infantîl, responsabil dal centri regjonâl pai disturps dal spetri autistic in etât grande de aziende sanitarie di Torin.
Daûr dal sucès di “Oltre il Confine” che, al à sierât sabide ai 24 di Otubar, e je une storie tacade tal 2006, cuant che Elena Bulfone adun cun altris fameis e veve decidût di trasformâ lis dificoltâts di ogni dî intun progjet tal concret.
Di chê volte Progettoautismo Fvg e je cressude deventant un pont di riferiment pes personis autistichis e lis lôr fameis, in graciis di un percors fat di determinazion, volontariât, competence e sostegn dal teritori. (a.d.g.) – 26.10.2026
