Zenâr 2023 al puarte ciertis modificazions in sen a trê Grups consiliârs che a fasin part de Assemblee legjislative dal Friûl-Vignesie Julie: il Polo liberale neonât, la tornade a nomenâ Civica Fvg e Forza Italia che, dal cjant so, al à anunziât une gnove composizion dal Ufici di presidence interni.
Intal specific, e in ordin cronologjic a strent, i conseîrs Giuseppe Nicoli, Walter Zalukar e Emanuele Zanon a àn declarât di apartignî, a decori dai 31 di Dicembar dal 2022, al Grup consiliâr di gnove costituzion Polo liberale, che al aderìs ae coalizion des fuarcis politichis di maiorance. Nicoli al é il president, Zalukar il vice.
Simpri tacant de ultime dì dal 2022, cun di plui, il Grup consiliâr di Forza Italia al à comunicât la composizion dal propri Ufici di presidence cun Franco Mattiussi al vertiç e la coleghe Mara Piccin vicepresident.
Infin, dal prin Zenâr il Grup consiliâr dai Cittadini si clamarà Civica Fvg. (A.D.G.) – 4.01.2023
Al è nassût un gnûf grup in Consei regjonâl, intant che chel dai Citadins al cambie non
173
