Vôs di une citât di confin, Gurize

Il viaç tes citâts che no si viodin, “In\Visible Cities X”, si siere domenie ai 25 cuntun gnûf event ospitât a Gurize. Aes dîs e mieze di buinore, a tacâ dal Teatri “Verdi”, si pues partecipâ ae rapresentazion “Orfana la mia città”, Vuarfine la mê citât” di Riccardo Tabilio, che pe prime volte e sarà disponibil tal stes moment sedi par talian che in lenghe slovene. Prodote di Quarantasettezeroquattro, la iniziative e puartarà il public intun viaç spartît traviers de storie di une regjon di confin. In gracie di testemoneancis, ricuarts e ispirazions poetichis, lis vôs dai talians e dai slovens che a àn vivût la trasformazion di chestis tieris a vegnin fûr intun zîr cu la vuide audio des scufis Wi-Fi. (A.I.) – 22.10.1016