Lis gjeografiis che a cambiin, tacant dal mâr

A Monfalcon e je za partide la edizion de Sierade di “Geografie” (Gjeografiis), la rassegne leterarie che e travierse i confins jenfri il passât e il presint, la memorie storiche e dut ce che al è impuartant al dì di vuê. I incuintris di autôr, che a son sîs, un par setemane, a ingrès libar cence sore nuie, a mudin la Cjase des Gjeografiis e la Biblioteche in lûcs di dialic e scuvierte. Joibe ai 30, aes 6 di dopomisdì, Sandro Carniel al conte in “Rotte mediterranee” (Rotis mediteraniis) un mâr cetant amât, ma che al cambie. Il dirigjent di ricercje tal istitût di siencis polârs dal CNR al compagnarà il public intun viaç jenfri vilis ladis sot de aghe, isulis là che la pescje e je in crisi e cuestis roseadis dal mâr. L’incuintri presentât di Katia Bonaventura, al è inmaneât in colaborazion cun Legambiente di Monfalcon. (A.I.) – 29.10.2025