La Catarine Percude che no si cognòs intune cunvigne

Joibe ai 21 e vinars ai 22 te Universitât di Triest, inte sale “Arduino Agnelli”, si fevele di une des autoris plui impuartantis te storie de leterature furlane. “Rileggere Caterina Percoto oggi” al è il titul de cunvigne internazionâl promovude e inmaneade dal Dipartiment di Studis Umanistics dal Ateneu triestin, une gnove tape dal progjet “Pier Paolo e Caterina”, promovût dal Comun di Manzan cul Premi Leterari tal non di Catarine Percude. L’avigniment al viodarà la partecipazion di studiôs di variis universitâts, ancje chê di Udin, che a contaran aspiets mancul cognossûts, ma centrâi, inte ativitât de autore: la sô ativitât tant che scritore pe infanzie, il so rapuart cu la stampe periodiche, l’interès pes traduzions, il so impegn in ambit educatîf. (A.I.) – 20.09.2023