A Vençon lis fotos dal taramot di 48 agns indaûr

E je vierte a Vençon la mostre fotografiche “La memorie di un avigniment”, inmaneade dal museu Tiere Motus adun cu la Associazion dai comuns taramotâts e dal Istitût Centrâl pal Catalic e la Documentazion. Ospitade intal stes Palaç Orgnani Martina, dulà che al à sede il museu Tiere Motus, e met in evidence i efiets disastrôs al patrimoni edilizi storic dopo il taramot dai 6 di Mai dal 1976. La documentazion fotografiche e ven dai archivis dal ICCD, l’Istitût Centrâl pal Catalic e la Documentazion di Rome, che al è un fonts di cuasi 3 mil fotografiis, e al rivuarde la campagne di rilevament dai dams puartade indenant di Mai al mês di Avost dal 1976. (A.I.) – 06.05.2024