Gulizion cun integrazion

Ce puedial sucedi dilunc de gulizion intune famee fate dome di feminis, inricjide di une persone disabile? A cheste domande al rispuint il gnûf at unic titulât “Petit déjeuner”, scrit de pordenonese Ludovica Cantarutti, che al sarà presentât in anteprime martars ai 7 cuntune leture seniche te Biblioteche civiche di Pordenon, aes 6.30 dopomisdì. L’avigniment, volût de associazion “via Montereale”, che chest an e fâs 25 agns di ativitât leade ae integrazion traviers la culture, al viodarà ae vôs Viviana Piccolo acompagnade ae arpe di Alice Redivo Populin. (A.I.) – 06.05.2024