A Gurize si scomence a segnâ une mape dal Friûl leterari

Al va indevant il progjet “Pier Paolo e Caterina: due intellettuali a confronto”, promovût dal Comun di Manzan intune cul Premi leterari ‘Caterina Percoto’ e la Universitât di Triest par “une gnove mape dal Friûl leterari” tacant propit di Pasolini e de Percoto. La gnove tape a Gurize, miercus ai 13 di Setembar in Sale ‘Dora Bassi’, dulà che e scomençarà la “mapadure” dal teritori leterari dal Friûl. Protagonist dal gnûf intervent, il studiôs, academic e scritôr Flavio Santi, che al tacarà dal Tiliment par contâ il ‘flum’ de leterature furlane, di Ippolito Nievo a Elio Bartolini, di Paola Drigo a Leonardo Zanier, fra chei altris. (A.I.) – 12.09.2023