Parc dal Cormôr: plui ‘vert’ intal gnûf progjet

La culinute devant dal Parc dal Cormôr di Udin e la aree par jentrâ a vignaran ricualificadis ad implen intal rispiet dal ambient e dal ‘vert’, garantint un acès plui civîl e plui spazi e sigurece ai utents dal parc plui frecuentât de citât. Il progjet, aprovât de zonte comunâl di prime tal 2022, al è stât riviodût une vore, introdusint diviers criteris mioratîfs. Prime di dut, chel de riduzion dal consum di teren: tal puest dai 56 parcs presints a saran fats altris 57, par un totâl di 113, invezit dai 193 dal progjet di prime. L’intervent al tignarà di cont i arbui plui preseâts, intant che a vignaran butâts jù chei za muarts o i arbossits spontanis. Tal ultin, la gnove aree di acès e parcament no sarà fate di asfalt, ma in materiâl ecocompatibil, sigurant duncje un aspiet di integrazion cul ambient ator e di rispiet viers la nature. (A.I.) – 29.11.2023