A dôs setemanis di chel avigniment atmosferic, cuant che e je colade jù una tampieste distrutive, lis Frecce Tricolori a àn sorvolât Mortean, un dai teritoris plui batûts dal brut timp, in segn di solidarietât. Il mot al è stât contât dal sindic Roberto Zuliani che al à sclarît il svol particolâr fat dome cun doi aeris: su un di chei al jere presint il tenent comandant colonel Stefano Vit. “Intal celest dal cîl clâr di vuê – al sclarìs il prin citadin -, i doi aeris de Pan a àn segnât une linie drete di fum blanc e verde a rapresentâ la sperance di une pronte riprese”.
“Lis Frecce Tricolori – al va indevant Zuliani – no dismentein il leam particolâr cun Mortean, che il so cjampanili al è tra i ponts principâi di riferiment intai svoi di prove ae base dongje di Rivolt. E indulà che, in passât, al è stât dedicât ae Patulie acrobatiche il 313m scjalin”. (a.d.g.) – 07.08.2023
