Îr il burlaç a Udin, vuê une polse

E jere pardabon previodude, e martars dopomisdì e je rivade, une gnove ondade di brut timp, cun ploie fuarte dopo lis 6. Cheste volte, tra i centris plui colpîts e je stade Udin, dulà che lis precipitazions penzis e une sorte di bissebove a àn fat colâ tancj arbui, in particolâr in Baldassarie e in viâl des Ferieris, bande la stazion. Problemis ancje li dal Città Fiera di Martignà, dulà che la ploie fuarte e je stade la cause di piçui inagaments. La alerte meteo di colôr zâl e je finide vuê di buinore: dopo une zornade cence ploie, za di doman si spiete un gnûf peiorament. (A.I.) – 02.08.2023