Ikea e cîr 75 personis par lavorâ a Vilès

Ikea e je ae ricercje di 75 personis par la sô buteghe di Vilès e i diviers ponts vendite dal Centri comerciâl: esperts des venditis intai setôrs vistiari e acessoris, otics, camarîrs e di impleâ te sale e al banc pes areis ristorazion, mobilie e diretôrs di vendite. Il progjet al rapresente un jutori concret inte ricercje dal personâl a supuart des marchis presintis dentri dal Tiare. Il “Recruiting Day” si fasarà in presince, martars ai 4 di Avrîl dal 2023, des 9 di matine intun spazi dedicât al Meeting Place di Vilès, in provincie di Gurize. Lis personis interessadis a puedin candidâsi inviant il propri curriculum dentri di martars ai 28 di Març ae pagjine web https://bit.ly/RAFVG2023_RecruitingDayTIARE (A.I.) – 06.03.2023