62
I carabinîrs de stazion di Glemone a jerin stât alertâts de societât di gjestion che e veve regjistrât un consum fûr dal normâl, passe 11 mil kWh, ancje se il contrat al jere stât sierât di passe trê agns.
Par chest i militârs a àn controlât, adun cui tecnics, une cjase che si cjate intun comun de zone e a àn cjatât che il sigjîl metût al contadôr dal implant daspò de muart dal intestatari, al jere stât tirât vie e che a vevin tornât a tacâ la corint. Chel che al veve dentri cjase al è stât cussì denunziât ae Procure de Republiche par robarie ingriviade. I tecnics daspò a àn metût in sigurece e tirât vie il contadôr. (a.d.g.) – 28.09.2026
