A van indenant lis ricercjis di Federica Zarabara di Dimponç, jessude fûr di cjase vuê a buinore, a pît cence documents e cence celulâr. Aes dôs dal dopomisdì di vuê si è jevât l’elicotar de Protezion civîl F-Vj di Tumieç, su ativazion de Sale Operative de Protezion civîl regjonâl, pal sorvoli finalizât ae ricercje. Impegnâts ancje pompîrs, carabinîrs e volontaris dal Socors alpin. (A.D.G.) – 03.04.2023
