Screât il gnûf plaçâl dedicât a Adalberto Burelli

Vuê di matine a Udine e je stade fate la cerimonie di scree e di intitulazion a Adalberto Burelli dal gnûf plaçâl cun dentri la rotatorie bande viâl Diaz.

Il Comun al à volût dedicâ chest lûc al architet che al è stât ancje conseîr comunâl dilunc une cerimonie, ae presince di Loretta, femine di Burelli, dai siei fîs Andrea e Maurizio, dal sindic di Udin Alberto Felice De Toni cun a flanc il vicesindic Alessandro Venanzi e i assessôrs Arianna Facchini, Carlo Giacomello e Federico Pirone.

Cheste cerimonie e rive daspò de conclusion dai lavôrs che a àn tornât a dissegnâ la viabilitât di chest toc de citât, che al à miorât la sigurece par cui che al dopre cheste strade e al à miorât ancje l’aspiet dal lûc. (a.d.g.) – 28.09.2026