112
I piçui Archimêts furlans a tornin a dâsi apontament a Udin cu lis lôr costruzions tecnologjichis inzegnosis. Miercus ai 19 a palaç Torriani si davuelzaran di fat lis premiazions de decime prime edizion di ‘Eureka! Funziona!’, un progjet sperimentâl ideât di Federmeccanica in colaborazion cul Miur, che Confindustria di Udin e à promovût intal teritori furlan, cjapant dentri 64 arlêfs des scuelis primariis Bearzi di Udin e Ospedâl di Glemone. Une gare par piçui inventôrs, che partint di un pacut di materiâl furnît, a àn costruît un zuiatul. I lavôrs realizâts a saran presentâts, valutâts e premiâts vie pe matine, che si vierç aes 9.30 cul intervent de vicepresidente di Confindustria Udine, Anna Mareschi Danieli. (A.I.) – 18.04.2023
