Il Paron in ospedâl: il Friûl in pinsîr

La gnove e je rivade di domenie, daspò di une altre partide pierdude une vore mâl de scuadre. Gianpaolo Pozzo, il “Paron”, 85 agns, che tal Istât passât al à fat fieste pai cuarante agns ae vuide de societât blancje e nere – un record: nissun al à fat miôr di lui in Serie A – al è intal ospedâl. La comunicazion e je jessude in rêt sul sît uficiâl dal Udin: “L’Udinese Calcio al comuniche che il president Gianpaolo Pozzo al è in ospedâl a Udin cu la polmonite. La sô cundizion cliniche e je stabil e al è sot control cu la massime atenzion dal personâl medic.” Cheste gnove e à fat stâ daurman in pinsîr ducj i tifôs dal Udin e ancje cui che di lontan al à simpri preseât il lavôr di Pozzo, che al à creât pardabon un “model” che cetancj a àn cirût di lâi daûr. (A.I.) – 02.11.2026