Il Comun di Cividât al vise che dentri dai 16 di Novembar di chest an a varan di rivâ lis domandis par fa il sorelûc par viodi i terens e i imobii imetûts in vendite te suaze de gjestion dal patrimoni fate cun trasparence, valorizazion e razionalizazion, come che al à sotlineât l’assessôr comunâl al Patrimoni Leorino Zorzenone.
Lis ufiertis in buste invezit a varan di jessi fatis dentri dal misdì dai 30 di Novembar. A coventaran dôs bustis: une cu la documentazion aministrative tant che domande di partecipazion, document di identitât, atestazion dal viersament de cauzion; une seconde buste e varà di vê la ufierte economiche in numars e letaris, cu la firme di cui che al fâs la ufierte e cu la documentazion domandade par cjapâ part al bant.
La vendite a la aste e sarà fate ai 16 di Dicembar tal palaç dal Comun aes 10.30 di matine, cors Paolino d’Aquileia 2 al plan tiere. E je previodude une cauzion dal 10% dal presit di base de aste e il viersament al varà di jessi fat cul sisteme Pagopa daûr des indicazions dadis de Aministrazion. A vicin e sarà la ufierte plui alte e la adiudicazion e sarà fate ancje dome cuntune ufierte valide. Il salt al varà di jessi paiât dentri di 90 dîs. Dutis lis spesi a saran a caric di cui che al compre.
I citadins a puedin lei dut il bant e lis cjaris sul sît dal Comun. Par informazions si pues scrivi ai uficis comunâi doprant il recapit edifici@cividale.net o cu la Pec a chest recapit: comune.cividaledelfriuli@CERTgov.fvg.it. (a.d.g.) – 26.10.2026
