La “Nico Pepe” invidade a un festival teatrâl in Cine

La civiche academie di art dramatiche “Nico Pepe” di Ufin e je la uniche istituzion taliane selezionade de Academie Teatrâl di Shanghai par partecipâ al festival “Silk Road”, la vie de sede, che si davuelç ogni an in Cine. La “Nico Pepe”, direte di Claudio de Maglio, e presentarà il spetacul “Il Rimedio che ti cambia”, Il rimedi che al cambie te, che al cumbine la impuartante tradizion teatrâl taliane de Comedie de Art, al centri dal program di studi de academie, là che al è integrât cun tecnichis espressivis inovativis. La rassegne e vûl evidenziâ la vitalitât de culture tradizionâl tant che une sfide pal avignì. Dongje de academie Nico Pepe, chei altris partecipants a vegnin di Hong Kong, Singapore, de Nigjerie, Austrie, dal Brasîl e un numar une vore grant de Cine. (A.I.) – 25.10.2026