Ceghedaccio, une sere indaûr tal timp

Il “Ceghedaccio”, la fieste cu la musiche e la ande dal passât – soredut dai agns Setante, Otante e aromai ancje Nonante – al torne cul tradizionâl apontament de Sierade, vinars ai 23 te Fiere di Udin. La plui innomenade fieste revival, un event unic in dute Italie che al è bon di puartâ in piste a balâ gjenerazions diferentis, i zovins di vuê e i zovins… di une volte, e je pronte par celebrâ i siei 33 agns di ativitât. Ducj passâts a fa scoltâ la musiche di discoteche e i grancj sucès dai agns di aur de musiche, doprant dome i discs in vinîl (che aromai a son tornâts di mode) a 33 o a 45 zîrs. Des vot di sere spacadis e fint ae une e mieze, cence un minût di plui, rispietant i oraris dai ambients di une volte, il Dj Renato Pontoni al sielzarà i tocs de sô colezion di passe 20 mil titui in vinîl: dute musiche che e rive a meti dongje lis gjenerazions, sedi chei che la àn scoltade cuant che e je jessude pe prime volte, sedi chei che la àn tacade a preseâ di pôc timp. (A.I.) – 22.10.1016