Storiis di jazz tal gnûf spazi culturâl di Udin

Vinars ai 23, aes 6 e mieze tal dopomisdì, tal gnûf spazi culturâl di Udin “Cavallerizza” al sarà un event speciâl, origjinâl e mai fat prime. Inmaneât di CrediFriuli in colaborazion cun SimulArte, l’event al sarà plen di sorpresis, alternant storiis e musiche. Un viaç emotîf, contât e presentât dal musicolic Alessio Screm, che al cjaparà dentri conversazions cun cualchidune des plui grandis figuris de sene dal jazz regjonâl: i saxofoniscj Francesco Bearzatti, Daniele D’Agaro, Nevio Zaninotto e Nini Del Zotto; la cjantante Lorene Favot; il bassist Giovanni Maier; il pianist e organist Mauro Costantini. La serade e je vierte a ducj, cuntun inîit speciâl a ducj chei che a vuelin partecipâ ae “jam session” che e ven dopo, puartant i lôr struments par sunâ. (A.I.) – 22.10.1016