12
“Art without borders”, art cence confins, il festival promovût dal comun di Fare e dedicât ai lengaçs artistics alternatîfs, al ufrîs doi events curâts de associazion “Ciechi per Caso”: une leture tal scûr sabide ai 3 di Otubar tacant des 7 sot sere, e une cjaminade “sensoriâl” inclusive domenie ai 4 di aes 10 di buinore, dilunc dal troi dai “10 mil pas pe salût”. Il prin event al sarà une esperience costruide ator des peraulis e de scolte: la serade e si vierzarà cuntune leture tal scûr, cun poesiis e tescj curts recitâts di “Ciechi par Caso” e compagnâts de musiche dal musicist jazz Armando Battiston e de percussioniste Enrica Appi. La seconde part de serade e sarà dedicade a une cene sensoriâl cuntune mascare. (A.I.) – 02.10.2026
