Te cjase Cavazzini cu la Fondazione Danieli

De fin di Setembar e fint al mês di Dicembar, la “Fondazione Danieli”di Buri, istituzion di famee gjestide dai erets dal fondadôr Luigi Danieli par puartâ indevant il so esempli, e tornâ a impiâ la voie di vivi dai anzians, promovint un spirt di integrazion des gjenerazions diferentis, e propon ancje chest an un program siôr di incuintris, visitis vuidadis e laboratoris. Une maniere ancje par lâ fûr dal comun, ator pal teritori, par capîsi miôr e capî il mont. I prins apontaments a son tal segn dal aniversari di San Francesc e de art, cu lis visitis vuidadis a Vençon, Cividât, Aquilee e a Gardiscje. Miercus ai 30 e tache ancje la serie di apontaments “Un voli su la piture furlane”, in Cjase Cavazzini a Udin. Ai 26 di Novembar, visite ai stabiliments de Solari tal borc di Pesariis intant che a Otubar a tachin i concierts di “SilenzioMusica. E no je finide achì, parcè che a son ancje i incuintris dedicâts ae salût e al benstâ, chei par scuvierzi di plui su la gjeopolitiche e la poesie, i conseis dal librari e i dialics ator lis grandis cuistions de vite cun scritôrs e esperts. (A.I.) – 29.09.2026