24
Un travuart storic, il cuarantesim cuint aniversari de UTE, la Universitât de Tierce Etât di Pordenon, al ufrîs miercus ai 30 une oportunitât par esplorâ un teme che al à lis sôs lidrîs fondis te storie contemporanie de regjon. “Friûl, 50 agns dal taramot” al è il teme che al sarà tratat aes trê e mieze di dopomisdì tal auditorium de Cjase Zanussi pal discors uficiâl in ocasion de scree dal gnûf an academic de UTE, pronunziât di Giuseppe Ragogna. L’incuintri cul gjornalist, za vice diretôr dal cuotidian “Messaggero Veneto” e autôr di cetancj libris dedicâts ae storie economiche e sociâl dal Friûl, al è un omaç dovût ai cincuante agns che a son passâts dai 6 di Mai dal 1976. (A.I.) – 29.09.2026
