La Baviere e ven a cjatâ il Friûl a Butinins

Il Friûl al cjate la Baviere in cuatri dîs dedicâts ae musiche, ae art e ae gastronomie todescje. L’apontament al è a Vile de Claricini Dornpacher, di joibe ai 13 a domenie ai 16, cuant che lis puartis de cjase dal Sîscent di Butinins di Muimans si vierzaran par “Baviere in Vile”, cuntun program plen di concierts, mostris di artiscj dal Land todesc e cercis di prodots tipics di chenti (prenotazions pussibilis ancje in rêt su: visit.declaricini.it). L’avigniment, al sclarìs il president de Fondazion, Oldino Cernoia, al jentre intai acuardis di colaborazion cu la municipalitât e il teatri di Munic di Baviere. Si tache joibe ai 13, aes 8 sot sere, cul conciert dal pianist André Hartmann, vinars ai 14 il tercet Die Abenteurer, sabide ai 15 Well Buam e domenie ai 16 visite ae mostre “Alla ricerca di…”. (A.I.) – 12.04.2023