La orchestre jazz dai zovins a Monfalcon

Daûr de tradizion, la stagjon tal teatri comunâl “Marlena Bonezzi” di Monfalcon si siere fasint fieste pal International Jazz Day. Martars ai 30 al rive Luis Bonilla, trombonist, compositôr, diretôr di bande, artist discografic e educatôr musicâl pes gnovis gjenerazions. Pe ocasion, al condusarà la Jeunesse Musicale Jazz World Orchestra, tra gnovis composizions e une selezion di tocs dal album “Jazz Pops/Pop Swings”. La prime orchestre jazz dai zovins internazionâl e sielç ogni an plui o mancul vincj zovins professioniscj di passe cuindis Paîs. Nassude tal 2012, e je un risultât straordenari sedi pe musicalitât che pal scambi interculturâl. (A.I.) – 29.04.2024

Foto di M. Kanizaj