Une cunvigne par discuti e sielzi la gnove Europe

Dai 6 ai 9 di Jugn, passe 359 milions di eletôrs dai 27 Stâts de Union europeane a saran clamâts a votâ pal gnûf Parlament European, cu la elezion di 720 rapresentants. Un apontament che cheste volte al è speciâl intune Europe che, di passe doi agns, e fâs i conts cuntune vuere in cjase, intant che il planet al è sdrumât di tensions leadis ae injustizie sociâl e climatiche. A Pordenon, un grup di istituzions al vûl dâ une ocasion di dialic, di confront e di discussion sui temis plui impuartants: la ACLI, la Caritas, l’istitût IRSE, il MOVI… Par joibe ai 2 aes 7 sore sere al è stât inmaneât tal auditorium de Cjase dal student “Zanussi” un incuintri cuntun protagonist di ecezion, l’economist Fabrizio Barca, za Ministri tal Guvier Monti e vuê coordenadôr dal grup che al lavore su disparitâts e diversitâts. (A.I.) – 29.04.2024