Il puint dal Prin di Mai in Val Midune

Un puint dal Prin di Mai plen di apontaments chel fra lis monts de Val Midune. A Navarons e Tramonç di Sot, dai 29 di Avrîl al 1n di Mai, al è in program “Un puint tra lis monts”, realizât inte suaze di “Assaggi, Passaggi, Messaggi di un Territorio”, il festival des areis internis des Dolomitis Furlanis. Si tache sabide ai 29 a Navarons cuntune zornade dedicade ae scuvierte dal borc di nassite di Novella Cantarutti, domenie ai 30 a Tramonç di Sot si davuelç “ArtInVal preview”, la anteprime de rassegne dedicade ae art e al artesanât, e lunis e je in program une des escursions plui preseadis de Val Tramontine: chê a Palcoda e Tamar. (A.I.) – 24.04.2023