Gurize ancje capitâl “vert”

Cjaminadis, cunvignis, mostris e incuintris sul teritori, e no dome, par esplorâ cuistions ambientâls che a rivuardin lis vitis di ducj, soredut il cambiament climatic e i miôr mûts di frontâlu. Rivât ae sô seconde edizion, “Verde Capitale” al cjale al presint e al ufrîs un struc des azions che la citât di Gurize e vûl meti in vore par frontâ la situazion, daûr dal sottitul sielzût: “Citât dai parcs e des âfs. De biodiversitât al clime che al cambie. Gurize e jentre tal avignì.” Lis iniziativis a scomençarin martars ai 13 tal Palaç Coronini Cronberg e a laran indevant fint domenie ai 18, cun passe trente events in program. La prime anteprime si davuelç za miercus ai 7 tal Museu Comel, cuntune conference par cure di Giorgio Tunis e Deborah Spinolavia, e il dì dopo, te Sale “Dora Bassi”, la scree de mostre “Dove volano le api”, Dulà che a svolin lis âfs”. (A.I.) – 06.10.2026