“Piccolipalchi” al fâs vincj agns! La rassegne teatrâl pes fameis, curade dal ERT, l’Ent regjonâl teatrâl dal F-Vj, al è pront cul program pe sô vincjesime edizion: un cartelon siôr e svariât cun 19 spetacui che si davuelzaran di Novembar a Març dal an che al ven a Codroip, Tisane, Monfalcon, Mugle e S. Vît dal Tiliment. Il program al cjape dentri teatri di marionetis e di atôrs, narazion di storiis e danze, musiche dal vîf e teatri fat cu lis ombrenis, cun programs par fruts a tacâ za dai 12 mês e la valorizazion de lenghe e de culture furlane. Intai ultins vincj agns, “Piccolipalchi” al à vuidât gjenerazions di fruts inte scuvierte dal lengaç dal teatri, puartant lis produzions dretis tes comunitâts. La gnove edizion di “Piccolipalchi” si vierzarà cuntun event dopli domenie ai 22. Aes 4 di dopomisdì, tal Teatri “Arrigoni” di S. Vît, la compagnie ABC – Allegra Brigata Cinematica e presentarà “Scotch”, un spetacul di danze pai fruts a scomençâ dai doi agns. Aes cinc sot sere, il teatri “Candoni” di Tumieç al ospitarà “Bella, bellissima!” par cure di ArteVOX Teatro e Accademia Perduta/Romagna, pensât pai fruts dai 3 agns. La rassegne e tornarà a tacâ domenie ai 29 a Monfalcon. (A.I.) – 21.11.2026
Foto di A. Villa